Kulturny běrow Sakska z. t. jo samostatny, powšyknje wužytne a zapisane towaristwo a pśesajźujo z lěta 2001 we wobłuku zwězkowego programa "CIVITAS – iniciatiwnje pśeśiwo pšawicarskemu ekstremizmoju w nowych zwězkowych krajach" projekt "Regionalne mobilne wobradnistwa".

Kulturny běrow Sakska wobradujo a pśewóźujo lokalne towaristwa, młoźinske iniciativy, wósady, seśi, ale teke zastojnstwa a firmy w Sakskej ze zaměřím wšednemu rasizmoju a etablěrowanym pšawicarskim strukturam znapśeśiwiś prakticěrowanu demokratisku ciwilnu towarišnosć.

"Źěło za demokratisku kulturu jo źěło pśeśiwo pšawicarskemu ekstremizmoju."

Pód toś tym motom co Kulturny běrow Sakska z. t. staśanowu angažěrowanosć a konkretne praktike wěźenje pśeśiwo pšawicarskemu ekstremizmoju w sakskich komunách a wokrejsach mócowaś a na taki part zakšacowaś pśeśiwo demokratiju wobgrozecym a góspodarstwje škóźecym tendencím ako pšawicarskemu ekstremizmoju, rasizmoju a antisemitizmoju. Abymógli socialnu a kulturelnu zakokulowanosć pšawicarski ekstremnych diskursow a organizatorskich formow slědk śišćaś, jo witalna a kuražěrowana demokratismy ciwilna towarišnosć pótrěbna. Pśi tom jo konkretna situacija woporow pšawicarski ekstremneje namoct strojíte wuchadnišćo konkretneje wobradowańskeje prakse. Mobilne wobradnistwa se pśi tom złožuju na koncept naměstnego komunalnego wobradowanja.

Kulturny běrow Sakska wuźaržujo styri źěłowe wobłuki na šesć projektnych městnach w Sakskej:

• Šesć wobradowarkow a wobradowarjow jo stawnje ako dwójoteam ducy w tśich kněžarstwowych wobcerkach Sakskeje. Jich regionalne běroey su w Neukirchenje, Großpösnje a Pirnje.
• W źełowem wobłuku "wejsańske wuwiśe" se pśez zmócnjenje socialnego a kulturnego žywjenja we jsy, na kótaremž se wjele wobydlarkow a wobydlarjow wšakich generacijow wobźělijo, wuzamóžniju se wobźělone k tomu, spóznaś demokratiju wótpokazujuce tendence, aby mógli jim pśez swóje projekty, komunikaciske pórucenja a zmakanišća napśeśiwo stupiś. Jaden taki projekt wejsańskego wuwiśa se pśewjeźo wót septembra 2005 do septembra 2007 w kněžarstwowem wobcerku Drježdźany pśez europski spěchowański program LEADER+ we wubranych komunach Sakskeje Šwicy. Aktualne projektowe městno jo Reinhartsdorf-Schöna. Perspektiwiski se wót lěta 2006 dalšne projektowe městno w Sakskej Šwicy natwarijo.
• W źełowem wobłuku coachinga za młoźinowu pomoc se wiźi młoźinowa pomoc ako instrument ciwilnotowarišsnostnego statkowanja za mócowanje a dalejwuwiśe demokratije. Konkretne pšawicarski ekstremne zjawy a problemowe pady su pśi tom rowno tal pśedmjat coachinga za młoźinowu pomoc ako metody raźecego wobźělenja źiśi a młodostnych na komunalnem žywjenju abo we wobłuku pótrěbnosćow za młoźinu spomóžnych institucijow. Projektne městno "coaching za młoźinowu pomoc" jo mobilnje pó cełej Sakskej ducy a ma swójo městno w Drježdźanach.
• W kanclaji kulturnego běrowa Sakska z jeje sedłom w Drježdźanach se dopoznaśa z mobilnego wobradowanja, z projektow wejsańskego wuwiśa a z coachinga za młoźinowu pomoc zespominaju a pśigótuju za politiske wobradowanja, za wuměnu wědomnosć-praksa a za diwersne kubłańske zarědowanja a podije. Wušej togo se how cełokrajne, narodne a mjazynarodne zwězowanje de seśi a diwersne fachojske źełowe kupki koordiněruju.

Mobilne wobradowanje njamóžo žedne gótowe koncepty sobu pśinjasć, ale wóno wuwija, wuchadajucy z nazgónjenjow lokalnych zwězkowych patnarjow a gromaźe z nimi, naměstne pśeměnjeńske koncepty.

Pśikładne projekty:

• Jězdne šulowanje "Kuražu prakticěrowaś" w Lipsčańskich wobchadniskich zawodach (w zgromadnem źěle z krajneju filmoweju słužbu a z fachowym referatom za młoźinskopolitiske wósebne nadawki a ekstremizm města Lipsk).
• Pśewóźowanje lokalneje seśi "Pro ciwilna kuraža Aue".
• Nowokoncipěrowanje komunalnego źěła za młoźinu w Bernsdorfje (wobradowanje: młoźinske źěło, šula, zwězka nosarjow).

Kontakt:
Grit Hanneforth
Kulturbüro Sachsen e.V.
Bautznerstrasse 45
01099 Dresden
buero@kulturbuero-sachsen.de
www.kulturbuero-sachsen.de